29.04.2001-05.05.2001 - lausn
Byrjum fyrst á að sýna að fyrir 15 spjöld sé hægt að finna slíkt par spjalda. Gerum ráð fyrir að slíkt sé ekki hægt. Þá verða spjöld númer 1 og 15 að vera í ólíkum hópum og eins spjöld númer 1 og 3. Því eru spjöld 3 og 15 í sama hóp. En þar með verða spjöld númer 6 = 9 - 3 og númer 10 = 25 - 15 að vera í hinum hópnum. En það stangast á við forsenduna því 6 + 10 = 16. Sýnum næst að 14 spjöldum megi skipta í tvo hópa þannig að í hvorugum sé að finna tvö spjöld með númer sem samtals er ferningstala. Sem dæmi um slíka skiptingu er 1, 2, 4, 6, 9, 11 og 13 í fyrri hópinn og 3, 5, 7, 8, 10, 12 og 14 í síðari hópinn. Á sambærilegan hátt má ætíð skipta færri en 14 spjöldum í tvo hópa sem uppfylla skilyrðið.
|